ಕುರಿಗಾಹಿಗಳು ಅವರ ವೇಳೆ ಕೊಲ್ಲಲು ಸೃಷ್ಟಿಸಿದ ಆಟ ಇಂದಿಗೆ ಕೋಟ್ಯಂತರ ಜನರ ವೇಳೆ ಕೊಲ್ಲುತ್ತಿದೆ, ಸಾವಿರಾರು ಕೋಟಿ ರುಪಾಯಿ ಉದ್ಯಮವಾಗಿ ಬೆಳೆದಿದೆ. ಆಟಗಾರರನ್ನು ದೈವ ಪಟ್ಟಕ್ಕೆ ಏರಿಸಿದೆ. ಸಮೂಹ ಸನ್ನಿಯಾಗಿದೆ. 
ಕ್ರಿಕೆಟ್ ಹುಟ್ಟಿನ ಬಗ್ಗೆ Jesuna GS Narayana Rao ಅವರ ಬರಹ ಕೆಳಗಿನ ಸಾಲುಗಳಲ್ಲಿದೆ ಓದಿ 🙏
ಕ್ರಿಕೆಟ್ ಕಲ್ಪನೆ ಹುಟ್ಟಿದ್ದೇ ಬ್ರಿಟನ್ನಿನ ಕುರಿಗಾಹಿಗಳ ನಡುವೆ ! ಕುರಿಗಳನ್ನು ಮೇಯಿಸಲು ಹುಲ್ಲುಗಾವಲಿಗೆ ಹೋಗುತ್ತಿದ್ದ ಹುಡುಗರು ಸಮಯ ಕಳೆಯಲು ಯಾವುದಾದರೂ ಒಂದು ಆಟದಲ್ಲಿ ತೊಡಗಿಕೊಳ್ಳಬೇಕಿತ್ತು . ಅಂಥ ಸಮಯದಲ್ಲಿ ಅಚಾನಕ್ಕಾಗಿ ಹೊಳೆದದ್ದು ಒಂದು ಕೋಲು ಮತ್ತು ಚೆಂಡಿನಂಥ ವಸ್ತುವಿನೊಡನೆ ಆಟ ಆಡುವುದು .
ಕುರಿಗಳನ್ನು ಹುಲ್ಲುಗಾವಲಿನಲ್ಲಿ ಮೇಯಲು ಬಿಟ್ಟ ಹುಡುಗರು ಬಟ್ಟೆಯನ್ನು ಚೆಂಡಿನ ಆಕಾರದಲ್ಲಿ ಗುಂಡಗೆ ಸುತ್ತಿ ಕೋಲಿನಿಂದ. ಅದನ್ಮು ಹೊಡೆಯುವ ಮನರಂಜನೆಯ ಆಟ ಆರಂಭಿಸಿದರು . ಹೀಗೆ ಆರಂಭಗೊಂಡ ಹೆಸರೇ ಇಲ್ಲದ ಆಟ ಕ್ರಮೇಣ ಹಲವು ಸ್ಥಿತ್ಯಂತರಗಳಿಗೆ ಒಡ್ಡಿಕೊಳ್ಳುತ್ತಾ ಈಗಿನ ಸ್ವರೂಪಕ್ಕೆ ಬಂದು ನಿಂತಿದೆ .
ನಮ್ಮನ್ನು ಗುಲಾಮರನ್ನಾಗಿಸಿ ಆಳಿದ ಬ್ರಿಟನ್ ಮಹಾ ಪ್ರಭುಗಳು ಕ್ರಿಕೆಟ್ ಎಂಬ ಅಫೀಮಿನ ಕಷಾಯವನ್ನು ಅಳತೆಮೀರಿ ನಮಗೆ ಕುಡಿಸಿ ಇಲ್ಲಿಂದ ನಿರ್ಗಮಿಸಿದರು . ಅಂಗೈ ಅಗಲದ ಬ್ರಿಟನ್ ಎಂಬ ದೇಶದ ಮಹಾ ಪ್ರಭುಗಳು ತಮ್ಮ ವಸಾಹತು ದೇಶಗಳ ಜಲಮೂಲಗಳಿಗೂ ಇದೇ ಅಫೀಮನ್ನು ಟನ್ನುಗಟ್ಟಲೆ ಸುರಿದೇ ನಡೆದುಬಿಟ್ಟರು . ಹೀಗಾಗಿ ಕ್ರಿಕೆಟ್ ಈಗ ಜಗತ್ತಿನ ಸುಮಾರು ಆರೇಳು ದೇಶಗಳಲ್ಲಿ ಮಾತ್ರ ಇದು ಇನ್ನೂ ಉಸಿರಾಡಿಕೊಂಡು , ದಿನದಿಂದ ದಿನಕ್ಕೆ ಸಾವಿರಾರು ಕೋಟಿ ರೂಪಾಯಿಗಳ ವಹಿವಾಟಿನ ವಾಣಿಜ್ಯ ರೂಪ ಪಡೆದುಕೊಂಡಿದೆ .  
ಭಾರತ - ಪಾಕೀಸ್ತಾನ ಆಟದ ಅಂಗಳಕ್ಕೆ ಇಳಿದಾಗ ಧರ್ಮವನ್ನು ಆವಾಹಿಸಿಕೊಂಡು ಯುದ್ಧೋಪಾದಿಯಲ್ಲಿ ವೀಕ್ಷಕರು ಚೀರಾಡತೊಡಗುತ್ತಾರೆ . ಅದೇ ಬೇರೆ ದೇಶಗಳ ನಡುವೆ ಕೇವಲ ಮನರಂಜನೆಯ ಆಟವಾಗಿಯೇ ನಡೆದು ವೀಕ್ಷಕರನ್ನು ರಂಜಿಸುತ್ತದೆ .

ಇಂದಿನ ಆಟ ವೀಕ್ಷಿಸಲು ಇದಿಷ್ಟು ಕಷಾಯ ಸಾಕೆನಿಸುತ್ತದೆ . 
ಭಾರತ್ ಮಹಾನ್. ಜೈ ಹಿಂದ್ 
    ‌‌‌ ‌ *****